Партнёрам

Фаланстэр - арганізацыя, адкрытая да супрацы з шырокім колам грамадскіх супольнасцей, некамерцыйных і камерцыйных арганізацый, актывістаў і ініцыятыў.

Наша місія: З дапамогай адкрытых і свабодных лічбавых і гуманітарных тэхналогій ствараць больш аўтаномнае і дынамічнае беларускае грамадства.

Каштоўнасці МГА “Фаланстэр”:

Нашы асноўныя прынцыпы супрацы з партнёрамі:

Адкрытасць і празрыстасць ва ўсіх пытаннях датычна сумеснай працы.
Узаемная адказнасць.
Дакладнае падзяленне роляў і абавязкаў паміж бакамі.
Выпрацоўванне механізму супрацы: перыядычнасці сустрэчаў і інструментаў камунікацыі.
Узаемадапамога і 100% ўключанасць у справу з кожнага боку.

Мы будзем рады знайсці партнёраў
для:

Сумеснай дзейнасці. Справа, якую вы хочаце рабіць разам з намі, павінна быць сугучна місіі і каштоўнасцям Фаланстэра.
Правядзення мерапрыемстваў пры тых жа ўмовах + мы яднаем нашы чалавечыя і/ці матэрыяльныя рэсурсы.
У рамках праекта Улазіны 2.0.

Таксама шукаем актывістаў

Мы бузем рады прыняць у Фаланстэр актывістаў, якія падзяляюць нашы каштоўнасці і місію і жадаюць ладзіць ініцыятыву ў межах аднаго з бягучых накірункаў ці стварыць і весці новы, які адпавядае місіі Фаланстэра.

Мы маем вялікі досвед:

працы з валанцёрамі і менавіта з айці-валанцёрамі;
кіраванне айці-праектамі;
кіраванне праектамі ў дыстанцыйных камандах праз онлайн прылады;
арганізацыя мерапрыемстваў да некалькіх соцен людзей;
праца з опэнсорс праграмамі, ОС Linux, опэнсорс графічныя прылады Gimp, InkScape, праца з відэа ў Blender;
арганізацыя працы з калектыўным досведам праз вікі, праца з беларускай Вікіпедыяй і вікі-супольнасцю;
арганізацыя празрыстых працэсаў працы і прыняцця рашэнняў у камандзе;
у разгортванні мэш-сетак (гаразынтальных wi-fi сетак для камунікацый на адмысловай тэрыторыі, ці мерапрыемстве);
веды па тэмах аўтарскага права і адкрытых ліцэнзій Creative Commons, свабоднай культуры і эканомікі шарынга (у Беларусі і ва ўсім свеце);
лічбавай бяспецы і прыватнасці, працы з тэхналогіямі арганізацыі бяспекі у камандзе і асабістай бяспекі;
і нават маем досвед вермі-тэхналогій у гарадскіх умовах або зэроарганік вэйст.

Нашы рэсурсы:

памяшканне ў цэнтры горада (умяшчальнасць 20-30 чалавек);
вайфай;
роварны куток, (як інструментамі, так і разыходнікамі);
бойлер і імбрык;
праектар, экран, калонкі;
2 сталы і каля 25 крэсел;
дошка, маркеры, папера, асадкі, алоўкі, іншая канцылярыя, якая знаходзіцца ў агульным доступе;
лэптопы, навушнікі, мышкі;
вэб-сэрвісы: grammarly, realtimeboard, zapier, mindmeister;
паліца Буккросінга і бібліятэка Фаланстэра;
актыўныя айці-валанцёры і магчымасць прыцягнуць новых, у тым ліку па гуманітарным кірунках;
сродкі камунікацыі: рассылка Фаланстэра і Лічбавай Майстэрні, суполкі ў Vk і Fb.